Operacioni më i fundit anti-drogë në Firenze ka vënë në pranga disa persona, ndër to edhe një shqiptar. Në bashkëpunim me organet përkatëse holandeze, është goditur rrjeti i kokainës, i cili transportohej nga Holanda në Itali. Gazeta ‘La Nazione’ ka lënë një hapësirë të konsiderueshme në faqen e parë, për foton e Valentin Selaj dhe Viola Spiros, edhe pse kjo e fundit nuk ka qenë mirë e identifikuar.
Emrat e lartpërmendur përfliten se janë në një lidhje prej kohësh, edhe pse moderatorja është përpjekur ta mbajë të fshehtë. Prej kohësh qarkullonin fjalët se Spiro sponsorizohej nga i dashuri për udhëtimet e shumta jashtë vendit, edhe pse asgjë nuk është konfirmuar zyrtarisht. Sipas gazetës italiane, Valentin Selaj ishte kreu i grupit, ndërsa përmend se moderatorja ishte e përfshirë në romancë me të arrestuarin.
Lajmi ka ardhur ekskluziv nga JOQ, ashtu sikurse mësohet se Selaj, përpos kokainës, akuzohet edhe për dhunë e prostitucion. ‘La Nazione’ jep detaje për një rrjet të mirëorganizuar, që qarkullonte sasi të mëdha droge (10 kile kokainë për një javë, vetëm në Firence). Detaje të mëtejshme pritet të zbardhen së shpejti.