KreuCelebrity

Pas urimeve, por edhe komenteve negative, Bushpepa flet për herë të parë për fitoren!

Si çdo vit, edhe këtë herë Festivali i RTSH pati shumë replika mes artistësh. Disa uruan fitoren e Eugent Bushpepën, duke e cilësuar si të merituar, të tjerë akuzuan se gjithçka ishte e vendosur më parë. Vetëm ai, vetë artisti që do të ngjitet në skenën e Eurovizionit nuk kishte folur ende.

Më në fund, Bushpepa ka vendosur të thotë disa fjalë për fitoren në këtë edicion të festivalit. Nëpërmjet një statusi në Facebook, Eugenti nuk ka shprehur thjesht falenderime. Ai nuk ka lënë pa përmendur edhe artistët që iu kundërvunë, ndërsa gjithçka ka ardhur gati-gati në nota filozofike.

“Si për dreq, këto labirinte koshience shpesh më popullohen nga artistë të paftuar, që vazhdojnë të zhgarravisin muret e këtyre rrugëve të mia me grafite pa sens, m’i ndyjnë akustikisht me megafone të shurdhuar, që reklamojnë lajme të rreme, duke ma penguar akoma më shumë gjetjen e rrugëdaljes”, ka shkruajtur ndër të tjera Bushpepa, duke mos harruar pa falenderime “…fytyrat e bukura që më shoqëruan deri në këtë dritë, në këtë fillim rruge të re…”

Duket se Eugenti e ka parë gjithë qendrimin e kolegëve nga një aspekt shumë personal, duke  mos ‘vjellë’ vrerë mbi emra të përveçëm. Më poshtë do të gjeni statusin e plotë.

“Mesohesh me mbyllje shtigjesh dhe goditje berrylash.
Ben paqe me to dhe i le gjerat te rrjedhin duke ushqyer dilema mbi ekzistencen tende si artist.
Befas nje drite ne horizont e lene ndezur nga dikush enkas per mua per zbulimin e nje shtegu te ri nis dhe me ushqen nje tjeter ndjenje, ate te mbivleresimit.
Mos valle jam mbivleresuar dhe prandaj u la ndezur?
Mos valle zymtesia qe ushqehej nga katrahura e veshtire artistike qe me rrethon do me coje deri ne verbim dhe rrugen do e humbas serish?
E kam te veshtire ta shpjegoj unin.
Qe ta bej do me duhet te dal jashte tij dhe une akoma po i eksploroj labirintet e tij ne gjetjen e nje rrugedalje.
Si per dreq, keto labirinte koshience shpesh me popullohen nga artiste te paftuar qe vazhdojne te zhgarravisin muret e ketyre rrugeve te mia me grafite pa sens, m’i ndyjne akustikisht me megafone te shurdhuar qe reklamojne lajme te rreme duke ma penguar akoma me shume gjetjen e rrugedaljes.
Mbreme si rralle kohet e fundit pranova qe ajo drite e lene ndezur per mua te me drejtoje qetesisht drejt shtegut te ri dhe tashme jam i gatshem dhe me vullnet qe te eksploroj serish.
Ajo drite ndricon aq shume saqe arrij te shoh se rruga qe vazhdon pas saj mbart plot sfida por ndihem i forte t’u bej balle fale mbeshtetjes se fytyrave te bukura qe me shoqeruan deri tek kjo drite, ne kete fillim rruge te re, duke kenduar nje zeri me mua tinguj dhe fjale qe dikur buruan nga shpirti im.

Rruga eshte akoma e gjate por do e zbuloj ndryshe me ndjesine e re qe me dhuruat.

Jam mese i lumtur.

Faleminderit njerez me shpirt te bukur!
Gjithashtu, Faleminderit RTSH!”

Bordo
Shtator - No.63

SHKARKO VERSIONIN PDF