Bordi i Transparencës për çmimet e ushqimeve ka caktuar çmimet e disa prej produkteve të shportës.
Sipas vendimit të bordit orizi do të kushtojë 104 lekë/kg, sheqeri 123 lekë/kg, vaji i lulediellit 321 lekë/litër dhe mielli 90.5 leke/kg.
Ky vendim hyn në fuqi në datë 05.04.2022 dhe është i detyrueshëm për të gjitha subjektet që tregtojnë me shumicë dhe pakicë këto produkte.
Kujtojmë që Bordi i Transparencës u ngrit nga qeveria si pasojë e situatës së veçantë të krijuar nga rritja e çmimeve ndërkombëtare.