KreuArt

SHBA i kërkon Google dhe Apple mbylljen e TikTok-ut!

Një drejtues i Komisionit Federal të Komunikimeve në SHBA-së deklaroi së fundmi se i ka kërkuar Apple dhe Google që të heqin TikTok nga dyqanet e tyre të aplikacioneve për shqetësimet e sigurisë së të dhënave të lidhura me Kinën.
Një anëtar i Komisionit Federal të Komunikimeve i ka kërkuar Google dhe Apple që të heqin TikTok nga dyqanet e tyre të aplikacioneve, duke përmendur shqetësimet se aplikacioni i njohur video në pronësi kineze mund të dërgojë të dhënat amerikane në Pekin.

Sipas NY Time, në një letër drejtuar kompanive të lëshuar të martën, Brendan Carr, një komisioner republikan, tha se ai besonte se modeli i sjelljes dhe keqinterpretimet e TikTok në lidhje me aksesin e papenguar që kanë personat në Pekin në të dhënat e ndjeshme të përdoruesve të SHBA shkelin standardet e Apple dhe Google dhe se TikTok duhet të hiqet.

“TikTok nuk është ashtu siç duket në sipërfaqe. Nuk është thjesht një aplikacion për të ndarë video ose meme qesharake. Në thelbin e tij, TikTok funksionon si një mjet i sofistikuar mbikëqyrjeje që mbledh sasi të mëdha të të dhënave personale,”-shkruan ai në Twitter.
Letra e Carr, e datës 24 qershor thoshte se nëse Apple dhe Alphabet nuk e heqin TikTok nga dyqanet e tyre të aplikacioneve, ata duhet t’i japin atij deklarata deri më 8 korrik.

“Deklaratat duhet të shpjegojnë bazën për përfundimin e kompanisë suaj se qasja e fshehtë e të dhënave private dhe të ndjeshme të përdoruesve të SHBA nga persona të vendosur në Pekin, së bashku me modelin e përfaqësimeve dhe sjelljes mashtruese të TikTok, nuk bie ndesh me asnjë nga politikat e dyqanit tuaj të aplikacioneve ”- tha ai.

Tags:

Home Art

Bordo
Shtator - No.63

SHKARKO VERSIONIN PDF