Ricky Martin ka ngritur një padi prej 20 milionë dollarësh kundër nipit të tij Dennis Yadiel Sanchez, i cili më herët doli me pretendimin se kishte pasur një marrëdhënie incestuoze me këngëtarin. Martin, 50 vjeç, pretendon se është ‘persekutuar, rrethuar, ngacmuar, përndjekur dhe zhvatur’ nga 21-vjeçari sipas TMZ. Ylli i “La Vida Loca” pretendon se Sanchez po përpiqet të ‘rrënojë’ reputacionin e tij dhe ka bërë që ai dhe familja të ndihen ‘të pasigurt’.
Këngëtari renditi një sërë veprimësh shqetësuese që ka bërë sipas tij nipi, duke përfshirë këtu edhe postimin e numrit të tij personal celular në rrjetet sociale e madje edhe krijimin e një llogarie në Instagram për një nga fëmijët e tij.
Martin gjithashtu pretendon se ka humbur një sërë marrëveshjesh shumë milionëshe për shkak të ‘pretendimeve të rreme’ të nipit të tij dhe dëshiron që ai t`ia kompensojë humbjet. Këngëtari portorikan thotë se disa muaj pasi Sanchez – djali i gjysmë motrës së këngëtari pop, Vanessa Martin – tërhoqi urdhrin e ndalimit ndaj tij, ai filloi t’i dërgonte mesazhe Martinit përmes Instagramit, duke kërcënuar se do t’i “vrasë reputacionin dhe integritetin e tij” nëse nuk e paguante.
Martin thotë se para urdhrit të ndalimit Sanchez ‘mburrej publikisht’ se ishte nipi i tij sipas botimit dhe e sulmoi me mesazhe për katër muaj. Mbreti i popit latin po i kërkon gjykatësit të urdhërojë Sanchez të ndërpresë çdo komunikim me Martinin dhe familjen e tij. Ylli është baba i katër fëmijëve, dy djemve binjakë Matteo dhe Valentino, 14 vjeç, si dhe vajzës Lucia, tre, dhe djalit Renn, tre vjeç; ai është martuar me artistin konceptual suedezo-sirian, Jëan Yosef, 38 vjeç.