The baby girl in an incubator in hospital after being pulled from the rubble in the Syrian town of Jinderis.
Mijëra njerëz kanë ofruar të adoptojnë vajzën e cila lindi nën rrënojat e një ndërtese të shembur në veriperëndim të Sirisë, pas tërmetit të së hënës. Kur ajo u shpëtua, foshnja Aya, që do të thotë mrekulli në arabisht, ishte ende e lidhur me nënën e saj me kordonin e kërthizës. Nëna, babai dhe të katër vëllezërit e motrat e saj vdiqën pasi tërmeti goditi qytetin e Jidayris. Aya tani është në spital.
“Ajo mbërriti të hënën në një gjendje kaq të keqe, kishte gunga, mavijosje, ishte e ftohtë dhe mezi merrte frymë”, tha Hani Marouf, pediatri që kujdeset për të. Ajo tani është në gjendje stabile. Videot e shpëtimit të Aya u bënë virale në rrjetet sociale. Pamjet treguan një burrë duke vrapuar nga mbeturinat e shembura të një ndërtese, duke mbajtur një foshnjë të mbuluar me pluhur.
Khalil al-Suëadi, një i afërm i largët, i cili ishte atje kur ajo u shpëtua e solli të porsalindurin te Dr.Marouf në qytetin sirian të Afrinit. Mijëra njerëz në rrjetet sociale kanë kërkuar tani detaje për ta adoptuar atë. “Do të doja ta birësoja dhe t’i jepja një jetë të denjë”, tha një person. Një prezantuese televizive tha: “Unë jam gati të kujdesem dhe të birësoj këtë fëmijë… nëse procedurat ligjore më lejojnë”.
Menaxheri i spitalit, Khalid Attiah, thotë se ka marrë qindra telefonata nga njerëz në mbarë botën që duan të birësojnë fëmijën Aya. Dr Attiah, i cila ka një vajzë vetëm katër muaj më të madhe se ajo, tha: “Unë nuk do të lejoj askënd ta birësojë atë tani. Derisa të kthehet familja e saj e largët, unë po e trajtoj atë si vajzën time”.
Për momentin, gruaja e tij po e ushqen me gji së bashku me vajzën e tyre. Në qytetin e lindjes së Aya-s, Jidayris, njerëzit kanë kërkuar nëpër ndërtesat e shembura për të dashurit. Një gazetar atje, Mohammed al-Adnan i tha BBC-së, “Situata është një katastrofë. Ka kaq shumë njerëz nën rrënoja. Ka ende njerëz që nuk i kemi nxjerrë ende”.
Ai vlerësoi se 90% e qytetit ishte shkatërruar dhe shumica e ndihmës deri më tani kishte ardhur nga banorët vendas.
