Një vajzë 14-vjeçare, e cila u raportua e zhdukur nga familja e saj kujdestare për më shumë se një vit, u gjet shtatzënë në një dollap të një shtëpie në Miçigan këtë javë. Autoritetet thanë se mund të ngrinin akuza për rrëmbim kundër një të dyshuari, që mendohet të jetë nëna biologjike e fëmijës.
Disa orë pasi autoritetet morën informacione të reja për vendndodhjen e adoleshentes, një ekip i SHBA-së e gjeti vajzën në një shtëpi në Port Huron, Mich, të martën, tha për Washington Post Robert C. Watson, drejtuesi i ekipit. Watson tha se ekipi e gjeti shpejt vajzën pasi morën një urdhër për të kontrolluar shtëpinë, afërsisht 60 milje jashtë Detroitit.
“Ajo u gjet në një dollap të fshehur pas disa rrobave”, tha Watson për The Post të premten, teksa shtoi, “Ajo ishte dukshëm shtatzënë. Ajo po qante. E sollëm jashtë dhe e siguruam se ishte e sigurt”. Autoritetet po shqyrtojnë akuzat e mundshme për rrëmbim prindëror dhe ndërhyrje në kujdestari. Dyshohet se nëna biologjike e adoleshentes e ka rrëmbyer pasi ka humbur kujdestarinë e vajzës.
Nëse nëna biologjike akuzohet dhe dënohet për rrëmbim prindëror, ajo mund të përballet me një vit e një ditë burg, një gjobë deri në 2000 dollarë ose të dyja, sipas ligjit.
Zyrtarët e Departamentit të Policisë Port Huron nuk iu përgjigjën menjëherë një kërkese për koment herët të premten. Është e paqartë nëse sulmi seksual do të jetë në mesin e akuzave pasi ende nuk dihet se kush e ka lënë vajzën shtatzënë, tha ai.
