Në Sanremo 2023 Chiara Francini, bashkë-prezantuese e mbrëmjes së katërt të Festivalit, i dhuroi publikut një monolog intensiv dhe delikat, kushtuar të gjitha atyre grave që nuk kanë pasur fëmijë, për zgjedhjen e tyre personale ose jo, kjo nuk ka rëndësi. “Vjen një moment në jetë kur është e qartë se je rritur dhe duhet të kesh një fëmijë”. Kështu aktorja e nis “letrën” e saj drejtuar një fëmije që nuk është ende aty, duke ekspozuar një nga tabutë më të vështira për t’u thyer në skenën më të njohur në Itali, ndërsa në krah ka një karrocë bebeje.
“Tani, Chiara, domethënë unë, nuk kam fëmijë. Por mendoj se është diçka pas së cilës nuk ka dyshim se nuk do të jesh më aq i ri sa c`ishe gjashtëmbëdhjetë vjeç, me motoçikletën, diskotekën dhe shkollën e mesme në mendje. Dhe vjen një moment në jetë, kur të gjithë rreth jush fillojnë të lindin.
Është si një ortek. Por… gjithmonë fillon me dikë që e dinit se do të bëhej nënë para të gjithëve. Në rastin tim ajo është, Lucia. “Një ditë, disa vite pas shkollës së mesme, Lucia më kërkoi të takoheshim. Ishim ulur në barin e pishinës, ajo ishte e emocionuar e tëra dhe në një moment, me një fytyrë që nuk e kisha parë kurrë më parë, më tha: ‘O Zot!! Më në fund mund t’ju them se jam shtatzënë!”
Shtatzëne. Kur dikush ju thotë se është shtatzënë dhe nuk keni qenë kurrë, ju nuk dini se çfarë të bëni. Kur dikush ju thotë se është shtatzënë dhe nuk keni qenë kurrë, është sikur diçka shpërthen brenda jush. Vrima që hapet në organet e tua jetike është një llok frike e habije dhe ndërkohë që të gjitha këto po ndodhin, ti duhet të festosh, sepse shtatzënat duhet të festojnë, pavarësisht vetmisë tëndë. Ti sërish duhet të festosh. Nuk ka vend aty për ankthin dhe vetminë tënde. Pastaj mbërrin ndërgjegjësimi se koha kalon, dhe po të mos nxitosh, fëmijë nuk bën dot më. Por ndërkohë, edhe po të nxitosh nuk i dihet, mbase sërish nuk bën dot se trupi yt të lë në baltë dhe ti atëherë mbetesh me dyshimin se je gabim, se prite shumë, se je e dështuar”, u shpreh ajo.
