Lajme tragjike vazhdojnë të mbërrijnë nga Turqia e përballur me njërin prej tërmeteve më shkatërrimtare të shekullit. Bilanci i viktimave atje kapërceu 30.000 e një informacion tronditëse përcillet nga disa media të huaja sipas të cilave, një aktore e njohur e telenovelave turke, Emel Atici , është gjetur e vdekur nën rrënoja bashkë me të bijën e saj, Püryan.
View this post on Instagram
Trupat e tyre, shkruan gazeta e njohur spanjolle El Mundo, janë nxjerrë nga gërmadhat e shtëpisë ku banonin, në njërën prej provincave të goditura më rëndë nga fatkeqësia- Adana!
Aktorja e njohu famën pas pjesëmarrjes në serialin Bir Zamanlar Çukurova (Jetë e hidhur) dhe ndërkombëtarizimit të tij në vende të ndryshme si Spanja, ku aktualisht është konsiderohet një nga serialet më të ndjekur në televizion.
Seriali i prodhuar nga Tims & B Productions për ATV në 2018 u shfaq premierë të dielën, më 4 korrik 2022 në Spanjë dhe menjëherë arriti nivele të konsiderueshme të audiencës. Lajmi i hidhur për ndarjen nga jeta të Emel Aticit vjen pak javë para se të mbërrijë fundi i serialit në Antena 3. Parashikohet se 23 shkurti i ardhshëm do të jetë kapitulli i fundit i “Jetë e hidhur”, i cili do të zëvendësohet nga një tjetër prodhim turk, “Original Sin.
Ekipet e kërkim-shpëtimit në Turqi sakaq kanë nxjerre të gjallë nga rrënojat e ndërtesave të shembura disa persona. Teksa shpresat për të gjetur të mbijetuar të tjerë po veniten, numri i përgjithshëm i viktimave nga tërmetet në Turqi dhe Siri, vijon të rritet. Faza e shpëtimit “është drejt fundit” dhe tani pritet që përpjekjet të përqendrohen në ofrimin e strehimit dhe ushqimit për të mbijetuarit, tha shefi për ndihmë i Kombeve të Bashkuara, Martin Griffiths, gjatë vizitës në Alepo të Sirisë më 13 shkurt.
