KreuStil Jetese

“E varrosur për së gjalli”, humbi tre fëmijët: Historia tronditëse e aktores së njohur!

“E varrosur për së gjalli”, humbi tre fëmijët:

Sot është 63 vjeç, dhe ka humbur tre fëmijë: Historia e aktores së njohur Lory Del Santo është tejet e trishtë, megjithatë pavarësisht tragjedive që e pllakosën, ajo sërish e gjeti forcën për t`u ringritur. E para ishte humbja e djalit të saj me Eric Clapton, Conorit, i cili ra nga kati i 53-të i ndërtesës në Nju Jork kur ishte 5 vjeç. Ngjarja ndodhi në 20 mars të 1991-shit. Dadoja kishte harruar dritaren hapur.

“Fati përbëhet nga sekondat. Dy sekonda përpara dhe kjo nuk do të kishte ndodhur. Kush e di sa herë për dy sekonda nuk ndodhën gjëra të caktuara dhe unë mbeta gjallë. Unë vazhdoj të mendoj se fëmijët janë ende aty. Jam si e varrosur për së gjalli. Ndihem si të ma kenë hedhur dheun me lopatë dhe ndërkohë unë shikoj gjithçka”, thotë aktorja.

Në vitin 2018 vret veten djali i saj, Loren. Sipas Del Santos, ai vuante nga anhedonia, një sëmundje që e bën të pamundur të kënaqesh me aktivitete normale si ushqimi, të qenit në shoqërinë e të tjerëve etj.

Ndërkohë, në vitet 90` kishte sjellë në jetë një tjetër djalë, por ai lindi para kohe. Jetoi vetëm dy javë dhe vdiq nga një infeksion. E këto nuk ishin të vetmet fatkeqësi në jetën e saj. I ati gjithashtu i vdiq kur ishte vetëm 3 vjeç e gjysmë. “Babai im në arkivol. I vetmi kujtim që kam për të. Nuk mund ta shpjegoja pse flinte në një shtrat që nuk ishte i tiji”, tha Del Santo, duke deklaruar se ato pak kujtime që ka kur ishte fëmijë, përveç atyre të babait, lidhen me nënën e saj. E cila “ nuk e kuptoi dhe nuk e besoi kurrë, nuk e besoi të gjithë jetën”.

Tags:

Home bordo

Bordo
Shtator - No.63

SHKARKO VERSIONIN PDF