Filetë viçi me salcë boronice – 1000 kalori
Përbërësit: fileto viçi, 200 g boronica, 1 gotë verë e kuqe, 1 gotë raki, 1 qepë, 3 lugë vaj ulliri, kripë, piper, feta polenta
Përgatitja: Skuqni fillimisht në një tigan qepën e grirë me 3 lugë vaj ulliri ekstra të virgjër. Vendosni sipër fileton e viçit të prerë me trashësi 2 centimetra dhe skuqini në zjarr të ngadaltë nga të dyja anët. Kur të jenë gati shtoni boronicat e freskëta, spërkatini me një gotë raki dhe pasi të avullojë, shtoni edhe një gotë verë të kuqe. Lërini në zjarr të lartë, derisa lëngu i gatimit të fillojë të pakësohet. Kur të jetë pjekur sa duhet, shtojini kripë dhe piper sipas shijes. Më pas shërbejeni fileton me feta polente të pjekura në skarë.
