KreuCelebrity

CEO i Louis Vuitton ia kalon Musk në listën e më të pasurve! Ja vlera e pasurisë së tij!

CEO i Louis Vuitton ia kalon Musk në listën e më të pasurve!

Presidenti dhe CEO i kompanisë globale të mallrave luksoze LVMH Francezi, Bernard Arnault, është personi më i pasur në botë, pasi mori vendin e parë nga sipërmarrësi amerikan Elon Musk, sipas revistës Forbes.

Pasuria e Arnos është rritur me 23.6 miliardë dollarë dhe aktualisht vlerësohet në 207.8 miliardë dollarë. Elon Musk ra në vendin e dytë me kompanitë e tij Tesla dhe SpaceX, duke e ndihmuar atë të arrijë një vlerë neto prej 204.5 miliardë dollarësh.

Ky lajm vjen pasi kompania e Musk, Tesla, ra 13 për qind të enjten, duke bërë që biznesmeni amerikan të humbasë më shumë se 18 miliardë dollarë në vlerë neto.

Ndërkohë, aksionet e LVMH janë rritur me mbi 13 për qind sot pas lajmeve për shitje të forta. Kapitalizimi i tregut të LVMH arriti në 388.8 miliardë dollarë, krahasuar me kapitalizimin e tregut të Tesla prej 586.14 miliardë dollarësh. Arno ka pesë fëmijë dhe të gjithë punojnë në LVMH.

Bordo
Shtator - No.63

SHKARKO VERSIONIN PDF