KreuCelebrity

Humbjet e një viti: Artistët që ju bashkuan ëngjëjve në vitin 2023!

Humbjet e një viti: Artistët që ju bashkuan ëngjëjve

Viti që po lemë pas mori me vete edhe disa prej kolosëve të artit shqiptar, duke trishtuar familjarë, miq e dashamirës. Ndonëse të ikur fizikisht këta emra lanë pas vepra që do të jetojnë përgjithmonë...

Zef Deda

Humbjet e një viti: Artistët që ju bashkuan ëngjëjve

Aktori i mirënjohur shkodran Zef Deda, u nda nga jeta më 24 nëntor në moshën 73-vjeçare. Lajmi i trishtë u dha nga djali i tij Jul Deda me anë të një postimi në rrjetet sociale. Mësohet se aktori prej pak kohësh vuante nga një sëmundje e rëndë. Zef Deda cilësohet si një nga komedianët më të mirë të Shqipërisë, ku ka spikatur për rolin Charlie Chaplin. Ka lindur në Shkodër më 27 korrik 1950.

Mirush Kabashi

Humbjet e një viti: Artistët që ju bashkuan ëngjëjve

Nuk mundi ta fitojë betejën me sëmundjen e rëndë dhe u nda nga jeta në moshën 75 vjeçare aktori Mirush Kabashi. Mirush Kabashi lindi më 17 prill 1948 në Shkodër dhe është rritur në Durrës. Origjina e tij ka qenë nga Gjakova. Kabashi ka qenë aktor i rreth 100 roleve, në teatër, filma, dhe shpesh ka qenë edhe prezantues i aktiviteteve të shumta artistike.

Mimica Luca

Humbjet e një viti: Artistët që ju bashkuan ëngjëjve

Aktorja e mirënjohur Mimica Luca u shua më 21 shkurt 2023 në moshën 84 vjeçare, pasi pësoi ishemi cerebrale. Luca ishte bashkëshortja e aktorit tjetër të mirënjohur shqiptar Ndrekë Luca dhe ka interpretuar në 12 filma artistikë shqiptarë.

Lutfi Hoxha

Humbjet e një viti: Artistët që ju bashkuan ëngjëjve

Aktori i mirënjohur Lutfi Hoxha u nda nga jeta në moshën 89 vjeçare. Ai mbehet një nga kolosët e roleve dytësore në kinematografinë shqiptare dhe një nga themeluesit e Teatrit profesionist të Durrësit. Hoxha numëroi rreth 7 dekada jetë skenike në kinematografi dhe mbi 100 role në teatër.

Ilmi Belshaku

Humbjet e një viti: Artistët që ju bashkuan ëngjëjve

Ka humbur jetën më 13 shtator 2023 në moshën 81-vjeçare aktori i mbi 300 roleve në teatrin “Skampa” Ilmi Belshaku. Ai e humbi betejën me jetën pas një sëmundje të rëndë që e mundoi deri në frymën e fundit.

Lekë Mosi

Humbjet e një viti: Artistët që ju bashkuan ëngjëjve

Është ndarë nga jeta në moshën 98-vjeçare, aktori Lekë Mosi, pjesë e trupës së Estradës Profesioniste të Sarandës.

Agim Rada

Humbjet e një viti: Artistët që ju bashkuan ëngjëjve

Nuk mundi ta fitojë betejën me një sëmundje në mushkëri dhe u nda nga jeta më 11 korrik 2023 në moshën 70 vjeçare skuptori Agim Rada. Agim Rada lindi më 24 maj 1953 në Tiranë. Punimet i tij përfshin statujat, skalitur në bronz të figurave të tilla si Marin Barleti, Gjergj Elez Alia, Onufrit, dhe Petro Marko. Gjatë gjithë karrierës së tij artistike Rada ka preferuar të gdhendi figurat e personaliteteve kombëtare që nuk kanë patur lidhje me politikën.

Anastas Nika

Humbjet e një viti: Artistët që ju bashkuan ëngjëjve

Aktori dhe regjisori i njohur shqiptar Anastas Nika ka ndërruar jetë në moshën 63-vjeçare më 21 qershor 2023. Nika vuante nga një sëmundje e rëndë, betejën me të cilën nuk mundi dot ta fitojë. Nika ka realizuar rreth 130 role në skenë, kinema dhe televizion, si dhe ka shkruar e shfaqur në skenë mbi 70 vepra e shfaqje të gjinive të ndryshme letrare.

Evans Rama

Humbjet e një viti: Artistët që ju bashkuan ëngjëjve

Këngëtari Evans Rama u nda papritur nga jeta më 20 prill 2023. Këngëtari vuante nga një sëmundje e rëndë çka i mori jetën në moshën 50 vjecare.

 

 

Bordo
Shtator - No.63

SHKARKO VERSIONIN PDF