Raman Dalithando Dlamini u pyet e u fotografua nga paparacët, pak ditë pasi nga “Page Six” u publikua dosja e urdhrit të përkohshëm të ndalimit të marrë nga nëna e tij, Deborah Elizabeth Sawyer, në Gjykatën e Lartë të Los Anxhelosit më 12 janar.
Ai jo vetëm që pretendoi se nuk kishte asnjë ide për urdhrin e ndalimit në videon e siguruar nga Shade Room, por gjithashtu i tha një fotografi se nuk e kishte idenë se kush ishte reperja e “Paint the Town Red”.
Dlamini, i cili ishte duke po ecte pranë një fushe bejsbolli publike në kohën kur u xhirua video, pohoi gjithashtu se ai nuk kishte "asnjë urdhër ndalimi" kundër tij. Në depozitimin e urdhrit të ndalimit, Sawyer pretendon se Dlamini, “ka sulmuar verbalisht” Doja Cat, duke e lënë atë të “ndihet e pasigurt dhe e traumatizuar".
Sa i përket Sawyer-it, ajo pretendon se Raman ka abuzuar fizikisht me të “disa herë”, me ndodhinë më të fundit në fillim të këtij muaji. Ajo pretendon se ai madje e kërcënoi se do ta vriste.
Kërkesa e nënës u miratua përkohësisht nga një gjyqtar, por gjyqtari tha se Doja duhet të paraqesë kërkesën e saj nëse dëshiron mbrojtje të urdhëruar nga gjykata.
