KreuStil Jetese

Ç’duhet të dini për mishin e pulës me viza të bardha?

Shqiptarët po konsumojnë mish pule më shumë se ndonjëherë më parë, sepse është burimi më ekonomik dhe më i përballueshëm në treg i proteinave. Dhe ndërsa pulat janë kthyer në një burim popullor ushqimi, nuk duhet të vijë asnjë surprizë që fermerët duhet të nxjerrin në treg produkte pule me shpejtësi rekord.

Në Shqipëri, pjesa më e madhe e mishit të pulës vjen nga importi, pasi oferta vendase nuk e përballon dot kërkesën e konsumatorëve. Mishi i gjoksit të pulës është zakonisht me një ngjyrë rozë lehtësisht të tejdukshme. Por nëse i keni kushtuar vëmendje gjokseve të mishit të pulës që blini në treg, sidomos atij të importuar, atëherë do të keni vërejtur disa vija të bardha në sipërfaqe.

Ç’duhet të dini për mishin e pulës me viza të

Këto vija të bardha janë tregues i një çrregullimi anormal të muskujve të pulave të quajtur "viza të bardha". Nuk ekzistojnë studime që të tregojnë se një mish i tillë pule është i dëmshëm për konsumim. Por një anomali e tillë tregon për kushtet në të cilat janë rritur pulat.

Çrregullimi i 'vizave të bardha' dëmton cilësinë e mishit në masën mbi 200%. Sipas një studimi të botuar në 'Revistën Italiane të Shkencave të Kafshëve', kjo ndodh pasi rritet përmbajtja e yndyrnave të dëmshme. Ajo që po haset gjithnjë e më shumë te prodhuesit e pulave të importit, është fakti që pulat duhet të rriten sa më shumë dhe sa më shpejt.

Ç’duhet të dini për mishin e pulës me viza të

Sipas informacioneve të publikuara, pulat nisen për në treg kur arrijnë një mesatare peshe prej mbi 2,5 kg që e arrijnë në vetëm 47 ditë. Jo më larg se disa dekada më parë, do të duheshin 70 ditë që pulat të arrinin gjysmën e asaj peshe.

Pse po ndodh? Kërkesa në rritje për pula është përgjegjësja e kësaj situate. Qendrat kërkimore raportojnë se konsumi mesatar i pulave është rritur disa herë më tepër krahasuar me vitet '70.

Çfarë mund të bëjnë konsumatorët? Zgjidhja është relativisht e lehtë: Kontrolloni mishin para se të blini atë. 'Vizat e bardha' janë të lehta për t’u dalluar dhe për t’u shmangur nga konsumatorët.

Bordo No.64
Nëntor 2023

SHKARKO VERSIONIN PDF