KreuStil Jetese

From Maldives with love; aty ku Shën Valentini merr kuptim!

From Maldives with love; aty ku Shën Valentini merr kuptim!


A keni ëndërruar ndonjëherë që Shën Valentini t’ju gjej me njeriun e zemrës në një shtëpi në mes të detit, duke u zgjuar nga një erë e kripur dhe zhurma e valëve që përplasen në breg? Ne kemi destiancionin perfekt për ju, i cili ju ofron të gjitha këto që përmendëm më lart, Maldivet! Ky vend është shtëpia mikpritëse e të dashuruarve, vendi ideal për rigjallërimin e trupit, mendjes dhe shpirtit.

From Maldives with love; aty ku Shën Valentini merr kuptim!

Maldivet është një vend ishullor, i cili përbëhet nga 1192 ishuj koralorë, të pozicionuar në Oqeanin Indian. Pavarësisht se është vendi më i vogël në Azi, vendndodhja e tij unike, e përfshirë me plazhe të bukura dhe të pastra kristal, është ajo që i bën Maldivet kaq të veçanta. Përveç peizazheve jashtëzakonisht të bukura, Maldivet ju ofrojnë argëtim në sporte ujore dhe një kulturë unike, që i bën një atraksion kaq të famshëm turistik. Një nga sportet ujore më të famshme dhe më të reja, në të cilat njerëzit marrin pjesë zakonisht, është udhëtimi me avion në ujë. Ky sport ujor mund t'ju japë ndjenjën e të qenit një superhero që del nga deti, duke u ngritur për të kapur të gjithë pamjen e mrekullueshme të Maldiveve. Shumica e ishujve janë vetëm një udhëtim i shkurtër me varkë larg njëri-tjetrit, udhëtim i cili nuk duhet humbur. Ndal për një çast dhe mund të arrish, ta shohësh veten bashkë me njeriun e zemrës, duke lundruar mbi detin e kristaltë e një moment fillon dielli e perëndon, deti që pasqyron gjithë magjinë e bukur, që ofron qielli në ato momente... Fjalët s’kanë më vend, sepse mahnitja zë vendin e saj. Maldivet nuk janë vetëm kryevepra e pakrahasueshme e natyrës, lumturisë dhe qetësisë së pastër, është gjithashtu një vend që ofron kënaqësi dhe eksperienca të paharrueshme, duke nisur që nga kultura e vendit, kulinaria, frutat e pafundme ekzotike, veshjet, luksi që të rrethon kudo.

From Maldives with love; aty ku Shën Valentini merr kuptim!

Ata thonë se Maldivet janë parajsa në tokë. Ne themi se është e vërtetë! Bëhuni së bashku me “Perla’s Travel”, për të dëshmuar bukurinë fenomenale të ishujve të pacenuar dhe përsosmërinë nënujore.

Ne ju ofrojmë paketën ideale, për të përjetuar parajsën në tokë dhe kënaqësitë e saj të pafundme. Të jeni të sigurt se praktikisht, nuk do të ketë kurrë një moment të mërzitshëm gjatë pushimeve tuaja në Maldive. Çuditërisht ka diçka për të gjithë në parajsën e ishujve Maldive, pavarësisht nga mosha që keni.

Bordo
Shtator - No.63

SHKARKO VERSIONIN PDF