KreuStil Jetese

Jeni në kërkim të një libri frymëzues? Përgjigjja është: “Richard Feynman, një jetë në shkencë”!

Jeni në kërkim të një libri frymëzues? Përgjigjja

Në këtë botim, hap pas hapi, shpaloset jeta e Fajnmanit, një gjeni i papërmbajtshëm, i paimitueshëm, i pazëvendësueshëm, cili u rrit në kohën e Depresionit të Madh dhe mes stuhisë së Luftës së Dytë Botërore, ku mundësia për të pasur një vend në universitet ishte shumë e kufizuar nëse kishe prejardhje hebreje.

Ai mahniti profesorët dhe kolegët me intelektin, çiltërsinë, intuitën dhe të qenit i drejtpërdrejtë. Të gjitha këto bënë që ai të shquhej që në moshë shumë të re. Ai ishte po ashtu një djalë i ri, i pashëm, i mbushur me dëshirë për jetën dhe dashurinë, i bekuar me zgjuarsi dhe hijeshi. Pjesëmarrja e tij në projektin e ndërtimit të bombës atomike i dha mundësinë të lulëzojë mes shoqërisë së shkencëtarëve më të mëdhenj të kohës. Ai i vuri të gjitha energjitë në kërkimin e tij shkencor, që çoi në zbulimin e elektrodinamikës kuantike dhe i dha çmimin Nobel.

Jeni në kërkim të një libri frymëzues? Përgjigjja

Studimi historik mbi funksionin e elektricitetit dhe magnetizmit nuk ishte arritja e tij e vetme, por ai kontribuoi në fusha të ndryshme të fizikës dhe kreu zbulime të tjera të jashtëzakonshme.

Përmes këtij libri shfaqet tabloja e qartë e zbulimeve befasuese të Fajnmanit, që nga koha kur ai filloi si profesor, deri te periudha e tij legjendare e mësimdhënies në Caltech, ku zgjuarsia dhe mençuria ushqeu një brez të ri shkencëtarësh amerikanë. Në këtë libër jepet gjithashtu drama e daljes së tij të famshme publike para një komisioni për të paraqitur arsyet e vërteta të katastrofës së anijes hapësinore “Challenger”, një dëshmi që tronditi të gjithë organizatën hapësinore. Nëpër faqet e këtij libri tregohet historia personale e martesës së tij tronditëse me një të dashur të shkollës së mesme, që vdiq tragjikisht, e martesës së dytë me një grua që ishte e kundërta e tij në çdo drejtim, dhe e një martese të tretë që, më në fund, i solli atij paqen familjare dhe e bëri të kryente me krenari rolin e babait në familje. Vitet e tij të fundit ishin mbresëlënëse, ndërkohë që sulmet e sëmundjes të shkaktuar nga koha kur kryente kërkimin i tij shkencor rreth bombës atomike nuk mundën të ndrydhin energjinë dhe ndikimin e tij në kërkim të së vërtetës shkencore. John dhe Mary Gribbin kanë paraqitur një tablo të qartë dhe të plotë të një njeriu të mahnitshëm dhe të arritjeve të tij të jashtëzakonshme.

Jeni në kërkim të një libri frymëzues? Përgjigjja

Për autorin

John Gribbin ka qenë astrofizikan në Universitetin e Kembrixhit, përpara se të bëhej shkrimtar me kohë të plotë. Ai dhe gruaja e tij, Mary, kanë bashkëpunuar në shkrimin e më shumë se dyzet librave, përfshirë biografitë shkencore të Darvinit, Ajnshtajnit dhe Houkingut. Ata jetojnë në Sussex, Angli.

Titulli: Richard Feynman – Një jetë në shkencë

Autore: John dhe Mary Gribbin

Përkthyese: Eva Dyrnjaja

ISBN: 9789928086624

Çmimi: 1200 lekë

Shtëpia Botuese: MediaPrint

 

Bordo No.64
Nëntor 2023

SHKARKO VERSIONIN PDF