Melania Trump fiton kundër Daily Mail

Të rrotullosh gjuhën shtatë herë në gojë para se të flasësh, ose në këtë rast, të rrotullosh shtatë herë kyçin e dorës para se të shkruash! Në gusht 2016, e përditshmja britanike Daily Mail, kishte shkruar një artikull mbi të kaluarën e Melania Trump në të cilin shkruhej se First Lady kishte ofruar në të kaluarën e saj shërbime që shkonin përtej modelingut. Pak më vonë këtij publikimi, më 1 shtator, tabloidi u tërhoq nga këto deklarata.

Shumë vonë, bashkëshortja e Donald Trump kishte paditur në Londër dhe në Nju Jork, ku kërkonte një dëmshpërblim prej 150 milionë dollarësh , duke shpjeguar se ka humbur miliona dollarë kontrata për shkak të kësaj shpifje. Madje sipas John Kelly, përfaqësuesi i saj ligjor, këto deklarata të gazetës mbi të gjitha kanë goditur dinjitetin dhe integritetin e saj.

Sot më 12 prill Daily Mail kërkoi të falur në gjykatën në Londër para Melania Trump. Ndërsa sipas CNN-së, është arritur një marrëveshje për ndërprerje të procesit ku tabloidi pranon të paguaj një shumë prej 2,9 milionë dollarë.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *