Manolo Blahnik, ikona modeste e këpucëve luksoze

Stilisti i njohur spanjol Manolo Blahnik është themeluesi i një brand-i mjaft prestigjioz këpucësh luksoze. Admiruesi i arteve dhe modës filloi të tregonte aftësinë e tij duke skicuar këpucë për pasarela, koverin e Vogue e madje të hapte në SH.B.A butikun e tij. I frymëzuar edhe nga nëna e tij e cila nuk gjente kurrë këpucët e përshtatshme, ai u shndërrua në një stilist të famshëm këpucësh i cili njihet për stilin klasik e elegant që i solli shekullit të njëzetenjë.

Duke qenë një markë prestigjioze dhe e adhuruar këpucësh Blahnik ofron rrjete butikësh thuajse në të gjithë botën: në Londër, Nju Jork, Las Vegas, Athinë, Madrid, Stamboll, Dubai, Hong-Kong, Singapor e Stokholm. Si çdo veshje luksi, edhe këpucët e Blahnik kanë një numër të kufizuar prodhimi dhe logon e tij të dallueshme. Këpucët klasike me taka Manolo Blahnik janë: “BB Pump”, “Hangisi Pump”, “Swan Pump”, “Campari Pump”, “Chaos Sandal”.

Gjeniu i këpucëve të femrave numëron çmime dhe mirënjohje pafund në botën e modës. Modelet e tij unike e lehtësisht të dallueshme janë pjesë e dhjetëra filmave të njohur kinematografikë si “Sex and the city”, “50 Shades of Grey”, “Gossip Girl”, madje edhe Jay Z i përmend në tekstin e “Bonnie&Clyde”, duet me Beyonce. Të gjithë yjet duan këpucët e famshme “Manolo”, veçanërisht Zonja e Parë e Amerikës, Melania Trump i adhuron këto stiletto! Anna Wintour ka thënë: Nuk më kujtohet kur ka qenë hera e fundit që kam veshur këpucë të ndonjë stilisti tjetër”, ndërsa për Carolina Herrera-n këpucët e Manolos të bëjnë të dukesh më e gjatë. Iman, Rihanna dhe Krlie Kloss janë gjithashtu adhuruese të këtij brandi.

Manolo Blahnik është idea, artisti dhe njeriu i cili qëndron pas çdo pasarele të sukseshme! Shfletoni galerinë dhe njihuni me disa nga modelet më të pëlqyera të çdo vajze!

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *