Nuk e dimë nëse do ta bënte apo jo, por policia i ka marrë seriozisht kërcënimet e një personi se do të rrëmbente këngëtaren Lana Del Rey. Arrestimi i tij u bë pak para se këngëtarja të mbante koncertin e saj në Orlando.
Policia u vu në ndjekje të tij pas postimeve me natyrë kërcënuese për Del Rey-n në rrjetet sociale. Ai nuk arriti t’i afrohej këngëtares, ndërsa gjatë arrestimi policia i gjeti atij një thikë si dhe biletën e koncertit.
Pas kësaj ngjarje, Lana ka vijuar normalisht koncertin, ndërsa ka falënderuar edhe fansat e saj. “Ju faleminderit shumë që erdhët dhe që i bëni këto “show” të jashtëzakonshëm, duke e mbajtur energjinë lart”, shkroi ajo.