Ja për cilat grupmosha OBSH-ja rekomandon dozën e tretë të vaksinës!

Organizata Botërore e Shëndetësisë ka rekomanduar që njerëzit e moshuar dhe ata me probleme serioze të imunitetit duhet që të marrin dozën e tretë të vaksinës anticovid, për të parandaluar rrezikun nga infeksionet që gjejnë terren nga sistemi i dobët imunitar.

Drejtoresha e vaksinimit në OBSH, Kate O’Brien, duke iu referuar personave me imunitet më të ulët në një konferencë për shtyp tha: “Rekomandimi është për një vaksinim të tretë, një vaksinim shtesë në serinë primare dhe përsëri që bazohet në dëshmitë që tregojnë se imunogjeniteti dhe dëshmitë mbi infeksionet e përparuara përfaqësohen në mënyrë joproporcionale nga ata njerëz”.

Grupi i ekspertëve gjithashtu rekomandoi që njerëzit mbi 60 vjeç të marrin një dozë shtesë të injeksioneve të bëra nga prodhuesit kinezë të vaksinave Sinopharm dhe Sinovac, një deri në tre muaj pas bërjes së dozës së dytë.

Previous ArticleNext Article