Meghan Markle do të kandidojë për presidente të SHBA? Motra e Biden ka një kërkesë

Nuk është hera e parë që përflitet për Meghan Markle se një ditë mund të jetë në poste drejtuese politike. Këtë radhë, motra e Presidentit Biden, Valerie Biden Owens, është shprehur se dëshiron që Meghan Markle të ndjekë ambiciet e saj të përfolura politike deri në Shtëpinë e Bardhë, duke sugjeruar që ish-ylli i “Suits” do të ishte një kandidate shumë e mirë dhe potenciale.

Në një intervistë me “Good Morning Britain” të martën, Biden Owens, 76 vjeç, i bëri një ftesë Markle për t’u bashkuar me Partinë Demokratike.

“Është e mrekullueshme të kesh gra në politikë,” tha motra më e vogël e presidentit të 46-të të SHBA, sipas Newsweek. “Sa më shumë gra të kemi, aq më mirë do të funksionojë sistemi ynë demokratik, me një këndvështrim më të mirë, një këndvështrim tjetër dhe ne i përqafojmë të gjitha gratë.

“Ne e mirëpresim [Meghan] të hyjë dhe të bashkohet me Partinë Demokratike,” shtoi ajo

Kur u pyet nëse Dukesha e Sussex-it do të “bëhej një kandidate e mirë presidenciale një ditë”, Biden Owens u përgjigj: “Po, ndoshta. Sigurisht që ajo do ta bëjë.”

Markle, 40 vjeç, dhe bashkëshorti i saj, Princi Harry, 37 vjeç, kanë jetuar në SHBA me kohë të plotë me fëmijët e tyre, Archie dhe Lilibet, që kur çifti u tërhoqën nga rolet e tyre si anëtarë të lartë të familjes mbretërore britanike në vitin 2020.

easy dinner ideas
Previous ArticleNext Article