Kanë kaluar 30 vjet që nga lansimi i serialit "Xena, Princesha Luftëtare", një prodhim që shënoi fëmijërinë e shumë prej nesh dhe i solli aktores kryesore një famë të pashoqe. Me aventurat e saj plot guxim dhe frymëzim, Xena mbetet një simbol i grave të forta.
Lucy Lawless aktualisht është e përqendruar në regjinë e dokumentarëve. Në moshën 57 vjeç, Lawless ka deklaruar se nuk është më e interesuar të aktrojë, duke menduar për regjinë e një aktiviteti shumë më krijues.
Në vitin 2024, ajo bëri debutimin e saj si regjisore me “Never Look Away”, një dokumentar që eksploron jetën e kameramanes së lajmeve Margaret Wilson, e cila vdiq në vitin 2010. Filmi u përzgjodh në festivale të mëdha ndërkombëtare, si Sundance dhe SXSW, sipas theguardian.com.
Fati artistik i Lucy Laëless mbetet i lidhur ngushtë me rolin e saj ikonik në serialin "Xena: Princesha Luftëtare", i cili i solli asaj famën më të madhe.
Ajo vazhdoi të luante në produksione të vlerësuara si Spartacus ose Ash vs Evil Dead. Aktorja e konsideron interpretimin e Lucretias në trilogjinë historike Spartacus si arritjen më komplekse dhe të vlefshme të karrierës së saj.
Lucy është nënë e tre fëmijëve, dy djemve dhe një vajze, nga dy martesat e saj: e para me Garth Lawless, mbiemrin e të cilit e mbajti, dhe e dyta, aktuale, me Robert Tapert. Edhe pse nuk duket më si luftëtarja energjike nga seriali, të cilin publiku e kujton, sharmi dhe karizma e saj mbeten të paprekura.
