Palltoja e verdhë e sezonit, një rreze dielli në mes të dimrit! 0 377

Kemi përmendur disa pallto këto javë, të gjitha trende të zbritura drejt e nga pasarela, zbatuar nga shumë stilistë me emër në fushën e modës.

Nëse stilistët thonë që palltot “Teddy” janë IN, nuk ua bëjmë fjalën dysh. Po ashtu edhe palltot me pupla, push a gëzof, me Lori Hoxhën si pioniere e parë e trendit në Shqipëri.

Por aktorja e dashur për publikun amerikan, Gabrielle Union, sapo ka krijuar trendin e saj të ri, me këtë pallto të pakrahasueshme ngjyrë të verdhë diellore, e cila gati-gati të bën të harrosh që është dimër.

Një “twist” i lezetshëm për mushamatë e shiut në të njëjtën ngjyrë, çudi si nuk u shkoi ndërmend stilistëve një marifet i tillë!

Ngjyra e qeshur e palltos e çan mespërmes zymtësinë dimërore, dhe kombinuar me një palë çizme mbi gju, ngjan për mrekulli!

Harroni çdo gjë dini për palltot e këtij sezoni. Kjo pallto diellore (Le Ciel Bleu, 580$) sapo kaloi në vend të parë!

Me të drejtë, apo jo?

Le Ciel Bleu straight belted coat

 

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *