Viktima e parë mbretërore: Covid-19 i merr jetën Princeshës spanjolle

Princesha e Spanjës Maria Teresa ka ndërruar jetë në moshën 86 vjeçare pasi rezultoi positive me koronavirus.

Princesha, nga familja mbretërore spanjolle Bourbon-Parma vdiq dje dhe lajkin e konfirmoi vëllai, Princ Sixtus.

Ajo ka lindur në Paris, Francë në korrik të 1933-it nga e martesa e Princ Xavier dhe Madeleine de Bourbon, prindër të gjashtë fëmijëve

Dinastia Bourbon-Parma është një degë e mbretërorëve spanjollë, që rrjedh nga dinastia franceze Capetian.

Princesha Maria vetë nuk kishte fëmijë por la pas disa nipër e mbesa si Princi Carlos i Bourbon-Parma, Duka i Parma e Piacenza, Princesha Margarita e Princ Jaime, shkruan DailyMail.

Lajmi për ndarjen e parë mbretërore nga jeta për shkak të koronavirus, vjen disa ditë pasi Princi britanik Charles, 71 vjeçar u infektua me një formë të butë të sëmundjes.

Ndërkohë Spanja po regjistron numra tragjikë vdekjesh me 832 në 24 orët e fundit, duke e çuar numrin total të vdekjeve në vend në 5,690 që prej nisjes së epidemisë.

Spanja renditet tashmë vendi i dytë më i goditur në botë pas Italisë.

easy dinner ideas
Previous ArticleNext Article