Erdhi vera, duhet të heqim ca kile dhe nuk qenka shumë e vështirë: mjafton të konsumojmë këtë ushqim!

Është koha kur duhet të heqim kilet e tepërta, sepse plazhi po afron! I vështirë gjithmonë ky moment, por paskemi një aleat të vyer në luftën tonë për dobësim: ka disa ushqime në veçanti të cilat ndihmojnë me balancimin e peshës ose humbjen e saj, e këtu hyjnë dhe arrorët!

Arra, bajame, kikirikë, lajthitë, stikat e çdo lloj ushqimi tjetër që hyn në këtë familje, janë dyshim një ndër pasuritë më të mëdha që natyra ka dhuruar, thotë AgroWeb.org. Të pasur me një mori vlerash dhe vitaminash, arrorët janë të mrekullueshëm si për shijim, gatim, por edhe për të siguruar shëndet të mirë. Ato njihen si parandalues të sëmundjeve shumë serioze që nga ato kardiovaskulare, diabeti apo tretja e mirë. Nisur nga këtu, mjekët i rekomandojnë edhe si një mënyrë e mirë për të humbur në peshë.

Studime të fundit kanë treguar se ka një lidhje mes humbjes në peshë dhe konsumimit të përditshëm të arrorëve. Ky studim u publikua në shtator të vitit 2019 dhe mori nën shqyrtim 27,521 burra dhe 61,680 gra, prej të cilëve u mblodhën të dhëna për vite më radhë. Të gjithë pjesëmarrësit në këtë studim nuk vuanin nga ndonjë sëmundje kronike. Por gjatë viteve vetëm disa prej tyre nuk treguan rritje në peshë. Kjo ndodhi me ata persona që konsumonin një sasi të caktuar arrorësh në ditë. Arrorët ndihmojnë trupin të djegë më shumë kalori, më shpejt në kohë. Ndaj janë zgjidhja e duhur dhe më e shëndetshme për të rënë në peshë. Sipas ekspertëve vetëm disa gramë arra apo çdo lloj arrori në ditë, ul rrezikun e shtimit në peshë me 2 kilogramë.

Sasia që ju duhet çdo ditë

Nuk ka rëndësi se cilat zgjidhni, mund të konsumoni pa problem arra, bajame apo lajthi për të arritur këto rezultate. Mjafton që ato të jenë të freskëta dhe pa kripë në mënyrë që të mos ju dëmtojnë organizmin. Ekspertët rekomandojnë një sasi prej 28 gramësh në ditë për të parandaluar shtimin në peshë. Kjo sasi është baras me një grusht të vogël arrash apo bajamesh në ditë. Kështu do të ulni me 15% mundësinë e prekjes nga obeziteti gjatë gjithë jetës tuaj. Futja e arrorëve në dietën e përditshme jo vetëm që ndihmon kundër shtimit në peshë, por edhe me një sërë sëmundjesh të tjera, duke filluar që nga sëmundjet e zemrës e deri shëndeti i mirë i trurit.

easy dinner ideas
Previous ArticleNext Article