Koronarografia në Spitalin Hygeia – Proçedura mini-invazive në duart e profesionistëve

Koronarografia është një procedurë mini invazive, diagnostikuese & intervencionuese, e cila arrin të vizualizojë arteriet koronare të zemrës me ndihmën e lëndës së kontrastit të injektuar në arterie. Kjo procedurë ka për qëllim të verifikojë ekzistencën ose jo të stenozave (ngushtimeve) apo bllokime të arterieve koronare të cilat çojnë në kufizim të qarkullimit të gjakut që shkon në zemër.

Në fazën e parë të kësaj proçedure bëhet diagnostikimi i problemeve koronare (bllokimi e enëve të gjakut që ushqejnë zemrën) dhe nëse problemet mund të trajtohen sipas kritereve përcaktuara, kalohet në fazën tjetër atë intervencionuese. Në përfundim të koronarografisë, mjeku specialist është në gjendje të përcaktojë numrin dhe gravitetin e stenozave(ngushtimeve) brenda arterieve koronare, si edhe mënyrën më të përshtatshme të trajtimit të tyre. Në të shumtën e rasteve stenozat trajtohen nëpërmjet zgjerimit të tyre me balon dhe stent apo në raste më të rënda nëpërmjet ndërhyrjes kirurgjikale (bypass-it koronar).

Në Spitalin Hygeia, proçedura e Koronarografisë, diagnostike & intervencionuese, ofrohet në ambiente të pajisura me aparatura dhe teknologji të gjeneratës së fundit mjekësore dhe në ambiente super komode. Kryerja e kësaj proçedure në Departamentin e Kardiologjisë Invazive Hygeia ka avantazhin qe kryhet me akses radial (nga dora), pra kateteri (tub plastik i gjatë, i hollë dhe fleksibël) futet në një enë gjaku në krah dhe jo në këmbë që është teknika e aplikuar  rutinë, teknikë kjo që falë eksperiencës dhe profesionalizmit të ekipit të mjekëve kardiolog invaziv nën drejtimin e shefit të këtoj departamenti, dr.Maksim Llambros, sjell edhe një sërë avantazhesh për pacientët të tilla si:

  • Ulje e rrezikut për komplikacione mjekësore lokale
  • Proçedurë e shpejtë (koha e kryerjes së proçedurës është e shkurtër)
  • Koha shkurtër e hospitalizimit (shtrimit në spital) – brenda ditës pacienti lë spitalin

Në cilat raste rekomandohet Koronarografia?

Mjekët kardiologë rekomandojnë kryerjen e kësaj proçedure në pacientët që dyshohen për ngushtim të arterieve koronare kjo bazuar në ankesat e pacientit si:

  • Dhimbja e kraharorit(angina pectoris), simptomë karakteristike e cila sinjalizon praninë e patologjive të arterieve koronare
  • Dhimbje në kraharor, nofull, qafë apo krah të cilave nuk i gjendet shkaku edhe pas kryerjes së ekzaminimeve të tjera(të cilat nuk lidhen me patologjitë e zemrës)
  • Sëmundjet kongjenitale(të lindura) të zemrës
  • Problemet e valvulave të zemrës për të cilat rekomandohet ndërhyrje

Koronarografia rekomandohet edhe nëse vërehen ndryshime, pra dyshohet prania e sëmundjeve të arterieve koronare, pas ekzaminimeve diagnostike të kryera si : prova ushtrimore, ekografi e zemrës, elektrokardiogramë, monitorim i zemrës 24 orë, angio-CT.

Në Departamentin e Kardiologjisë Invazive Hygeia ofrohet e gjithë gama e diagnostikimit dhe trajtimit të sëmundjeve angio vaskulare, trajtime për të cilat në të shumtën e rasteve aplikohen teknika operatore bashkëkohore miniinvazive, ku ndër më specifiket mund të përmendim trajtimin me sukses të sëmundjeve të arteriopatisë periferike (trajtim i stenozave të arterieve karotide me implantim stenti), trajtim i arteriopatisë periferike të ekstremiteteve të poshtme me balon ose stent, realizimi i endoprotezave të aortës në rrugë perkutane etj.

Pra, për të gjithë pacientët që zgjedhin të trajtohen në Departamentin e Kardiologjisë Invazive Hygeia, ekipi i mjekëve të këtij Departamenti ju ofron zgjidhjen optimale mjekësore për çdo patologji, duke ju kursyer kohë dhe njëkohësisht duke ju dhënë zgjidhje mjekësore cilësore për çdo problem kardiak.

Departamenti i Kardiologjisë Invazive Hygeia: 04 23 90 000

 

 

 

 

easy dinner ideas
Previous ArticleNext Article