Mezi cohej nga krevati, shënimi i fundit që la Hueyda për të birin!

Shënimi i fundit që Hueyda El Saied la publikisht për të birin, Gabriel ishte pasi ai nisi shkollën, në 15 shtator. E ëma ishte shumë krenare për të. Duke luftuar me sëmundjen, ishte ngritur nga shtrati që të mos e humbiste momentin e përcjelljes së vogëlushit të saj në ditën e parë të shkollës.

“Sot ishte dita e parë e shkollë për Gabrielin. Çfarë emocioni! Sa shpejt ikën koha. Më duket sikur jo më larg se dje ne u takuam për herë të parë dhe direkt ti dëshiron të mësosh të lexosh çfarë shkruaja për ty kur ishe në brendësinë time.


Më the që kishe frikë të shkoje në shkollë se s’do të arrije të shkruaje dhe flisje (gjermanisht). Ti nuk ke asnjë arsye zemra ime, se perveçse ti je i prirur për gjuhët (gjermanishtja do të jetë gjuha e pestë që do të flasësh) dhe sikur të jesh i fundit i klasës, për babi Thierryn dhe mami Edin ti je një kampion. Ti e ke marrë diplomën e suksesit, ditën kur më buzëqeshe për herë të parë, ditën kur më thirre mama, ditën kur the në shqip «Merre me long se mishi u maru», apo ditën kur the «Babi Thierry unë kam një zemër të madhe për ty».

Vit të mbarë shkollor krenaria jonë. Të duam pafund Gabriel. Babi, mami, nona Dana dhe teze Opa”, shkruante ballerina, piktorja dhe artistja që u shua në mënyrë tragjike në një moshë fare të re nga një sëmundje e pabesë.

Previous ArticleNext Article