Zonja e Parë e Ukrainës: Marrëdhënia me Zelenskyn “në pauzë”, nuk shihemi më nga lufta!

Zonja e parë e Ukrainës, Olena Zelensky, tha se marrëdhënia e saj me Zelenskyn është ‘në pauzë’ pasi ata nuk mund ta shohin njëri-tjetrin për periudha të gjata për shkak të luftës. Ajo tha për CNN se raporti me bashkëshortin, presidentin Volodymyr Zelensky, ishte ‘në pauzë’ pasi atyre u ndalohej të takoheshin marrë parasysh gjendjen me luftë.

Në një intervistë të transmetuar të martën, Olena Zelenska i tha Christiane Amanpour të CNN se nuk i lejohet të shohë Zelenskyn shumë shpesh dhe kur e bën, është vetëm për një periudhë të shkurtër kohe, shkruan Telegrafi.

“Por të paktën unë mund ta ndjej fizikisht pranë meje”, tha Zelenska për CNN. “Kjo nuk është normale. Nuk është një marrëdhënie normale kur fëmijët nuk mund ta shohin babanë e tyre dhe duhet të flasin me të në telefon. Kështu që marrëdhënia jonë është në pauzë ashtu siç është për të gjithë ukrainasit”, tha ajo. “Ne … presim të bashkohemi, të jemi sërish bashkë, të kalojmë mbrëmjet së bashku, të flasim me fëmijët për gjërat e tyre”.

Si Zelenskyy ashtu edhe gruaja e tij kanë refuzuar të largohen nga Ukraina që kur Rusia nisi pushtimin më 24 shkurt. Në dy muajt e parë të luftës, nuk janë takuar fare. Zelensky jetonte në zyrën e tij së bashku me stafin, ndërsa Zelenska dhe dy fëmijët e tyre, 17 dhe 9 vjeç, mbaheshin në një vend sekret. Në intervistën e saj për CNN, Zelenska tha gjithashtu se lufta në vazhdim, e cila është larguar nga Kievi dhe është intensifikuar në rajonin lindor të Donbasit, kishte shkaktuar një dëm të madh në vend dhe se ajo aktualisht “nuk mund ta shohë fundin e vuajtjeve të tyre”. “Është shumë e vështirë të mbash për pesë muaj”, tha Zelenska. “Ne duhet të grumbullojmë forcën tonë, duhet të kursejmë energjinë tonë”.

easy dinner ideas
Previous ArticleNext Article