Kiara Tito dhe Luiz Ejlli janë në pritje të fëmijës së tyre, që dihet se do të jetë vajzë. Megjithatë, moderatorja e njohur dhe partneri i saj duket se ende nuk ka gjetur një emër për ta pagëzuar atë. Ndaj, Kiara ka kërkuar ndihmën e ndjekësve të saj përmes një postimi në “InstaStory” në llogarinë e saj në Instagram.
Ajo është shprehur e hapur me të gjithë fansat për të pranuar sugjerimet e tyre, teksa sipas saj kjo procedurë po konsiderohet si “hall në vete”.
Vetëm javë më parë, moderatorja shumë e dashur për publikun dhe njëherazi ish-banorja e BBVA zbuloi se fëmija do të jetë vajzë. Tito dhe këngëtari i njohur Luiz Ejlli e nisen romancën dhe lidhjen e tyre gjatë kohës kur ishin brenda shtëpisë në sezonin e dytë të Big Brother.



















