Romanca e Travis Kelce dhe Taylor Swift vazhdon të bëhet më e fortë. Ndërsa nuk ka asnjë konfirmim të planeve të menjëhershme për fëmijë, komentet dhe veprimet e fundit të Kelces tregojnë një dëshirë në rritje për t’u bërë baba, që mund të ndërthuret me marrëdhënien e tij me superyllin e popit.
"Unë mund ta quaj fëmijën tim të parë Conan (sipas personazhit të Arnold Schëarzenegger në filmin e vitit 1982)”, tha ai. Kjo nuk është deklarata e parë që Kelce bën për fëmijë. Gjatë një episodi të mëparshëm të podcast-it të tij "New Heights" me vëllanë Jason, ai ka përmendur po ashtu dëshirën për fëmijë.
Dashuria e Kelces për fëmijët është e dukshme përtej komenteve të tij lozonjare. Ai është i përfshirë në mënyrë aktive në jetën e mbesave të tij, duke i mbushur me dashuri dhe vëmendje.
Marrëdhënia e Kelces dhe Swift-it nisi në verën e vitit 2023. Shfaqjet e tyre publike të dashurisë, nga pjesëmarrja e Swift-it në lojërat e Kelçes te puthja e tyre festive pas fitores së Super Bowl në shkurt, japin një pamje të një lidhjeje të fortë.
Mbështetja e palëkundur e Kelces për karrierën e Swift-it, përfshirë planet e tij për të marrë pjesë në turneun e saj të ardhshëm evropian, e bën edhe më të fortë romancën e tyre.
Nëse e ardhmja e tyre përfshin vërtet fëmijët, mbetet për t'u parë. Megjithatë, komentet dhe veprimet e fundit të Kelces, së bashku me ndjenjën pozitive nga rrethi i tyre i brendshëm, sugjerojnë një dëshirë në rritje për një jetë familjare që mund të ndërthuret me marrëdhënien e tij me Taylor Swift.
