Alketa Vejsiu zgjodhi që mbrëmjen e kësaj të premte në “X Factor” të këndojë këngën “La notte” nga Arisa, e cila rezultoi një performacë shumë emocionuese.
Pas shumë kohësh Alketën e shohim në skenë duke kënduar dhe me një këngë shumë domethënëse. “La notte”, në shqip “Nata”, i dedikohet natës së mendimeve dhe mungesës së njerëzve që duam, që mund të jetë mungesë sentimentale por edhe mungesë njerëzore i vendos njerëzit gjithmonë në një melankoli dhe vetmi ku mendja dhe zemra bëjnë luftën e tyre.
Duhet të gjejmë gjithmonë forcën për të ecur përpara. Nuk ka fitues apo humbës në këtë luftim; të gjithë duken të mundur në gjysmë të rrugës.
Emocionet ishin të mëdha për Alketën pasi ajo vetëm pak muaj më parë ka humbur babain e saj. Këto emocione ajo mundi të përçonte edhe te publiku në sallë por edhe te të gjithë teleshikuesit e programit.
