A ka ndërruar mendje Angelina Jolie? Është pyetja që ngrihet që kur një i afërt i Brangelina tregoi për faqen amerikane Hollywoodlife.com se ish-zonja Pitt ka filluar të ndjejë mungesën e bashkëshortit të saj. Është zhurma mediatike, shitja e banesës së tyre në jug të Francës apo takimet me Brad Pitt mbi çështjen e modaliteteve të divorcit që kanë ngjallur dyshimet në kokën e aktores?
Një muaj pas tërmetit mediatik, aktorja historike e Lara Croft është përballë bilanceve të para dhe me sa duket është pre e dyshimeve.
“Ndonëse ajo nuk është në pikën për të hequr dorë nga divorci, ajo nuk është më me idenë për t’i bërë të gjitha sa më shpejt. Angelina nuk e kishte kuptuar se në ç’pikë Brad Pitt do t’i mungonte, humori i tij dhe prania e tij, por gjithashtu edhe fakti që e shikonte çdo ditë”, thotë një nga miqtë e çiftit për Hollywoodlife.com.
Por një tjetër element që e bën këtë situatë të vështirë janë fëmijët. Çfarëdo që të thuhet për rolin e tij si baba dhe kryefamiljar, Brad Pitt luante aq sa mundej me fëmijët, pavarësisht mosmarrëveshjeve më djalin më të madh.
“Fëmijët flasin përditë shumë për babain e tyre dhe bëjnë pyetje, që e shqetësojnë pak Angelina-n dhe që bën gjithashtu që Brad-i t’i mungojë”, shton ky burim i mirë informuar.
Ai ka përfunduar duke theksuar se “akulli mes tyre është duke shkrirë”.
