Sipas të dhënave të Ëorldindata të përditësuara deri më 12 qershor, Europa mesatarisht ka vaksinuar të paktën pjesërisht 44.4% të popullsisë, 32.2% tërësisht, ndërsa edhe 12.2% kanë marrë të paktën një dozë.
Rekordin në Europë e mban Mbretëria e Bashkuar, me vaksinimin të pjesshëm të 68% të popullsisë, nga të cilët 51.4% janë vaksinuar. Në vend të dytë në Europë është Belgjika, me 66% të popullsisë pjesërisht të vaksinuar, (43% me të dyja dozat). Më pas renditet Holanda me 65% (39% e vaksinuar plotësisht).
Ndërkohë Shqipëria mbetet pas me vaksinimin, renditet ndër 4 vendet që kanë vaksinuar më pak popullsinë në Europë. Në rajon Serbia vijon të mbetet shteti me nivelin më të lartë të vaksinimit në rajon. Mali i Zi, që e filloi vaksinimin më vonë sesa Shqipëria ka ecur më me shpejtësi, duke vaksinuar plotësisht 23% të popullsisë. Shqipëria i ka ngadalësuar ritmet e vaksinimit, deri më 12 qershor, vetëm 20.5% e popullsisë ishte e vaksinuar pjesërisht. 15.2% e popullsisë kanë marrë të dyja dozat. 5.3% ka marrë vetëm një.
Edhe Maqedonia e Veriut ka vaksinuar pjesërisht rreth 20% të popullsisë (rreth 12% plotësisht). Më pas në Europë kanë mbetur Bullgaria (14.2% të vaksinuar të paktën pjesërisht), Kosova (9.4%), Bosnjë Hercegovina (9.3%).
