Shefi i kuzhinës së Chris Hemsworth, Sergio Perera, ka zbuluar sekretet pas trupit perfekt të aktorit të famshëm australian. Hemsworth është i fiksuar pas stërvitjes, dhe ky padyshimështë një faktor i rëndësishëm. Por ai tregohet gjithashtu dhe tejet i kujdesshëm me dietën ushqimore që ndjek.
Shefi spanjoll shpjegon se Hemsworth e nis gjithmonë ditën duke pirë të njëjtën pije. Nuk është gjë tjetër veçse një gotë ujë të ngrohtë me limon dhe një lugë gjelle uthull molle. Siç shpjegon ai, kjo e bën trupin e tij të qëndrojë alkalik, gjë që lejon që përthithja e lëndëve ushqyese të jetë më efektive. Në intervistën e tij me FEMAIL, Perera diskutoi më pas për ushqimet e përfshira në dietën strikte të Hemsworth, duke zbuluar se qëllimi i tyre është të rrisë marrjen e tij të proteinave.
“Të punosh me Chris është dicka e mrekullueshme pasi ai është shumë i përkushtuar ndaj stërvitjes dhe ushqimit të tij. Ai është shumë argëtues për të punuar me të, pasi ai punon shumë. Sa herë që duhet të shtojë peshë, ne e rrisim sasinë e tij të proteinave. Për shembull, ai mund të ketë 200 gram biftek të pjekur në skarë me disa vezë të skuqura me vaj ulliri ekstra të virgjër dhe disa feta bukë. Një orë e gjysmë më vonë, ne do ta shoqëronim këtë me një smoothie jeshil të përbërë nga pluhur proteinash me bazë bimore, spirulina, lakër jeshile të freskët, nenexhik, mango të ngrirë, vaj ulliri dhe kripë deti”, u shpreh ai duke shtuar se dhe bashkëshortja e Hemsworth, Elsa Pataky, është po aq e përkushtuar sa i shoqi për të qëndruar në formë.
“Elsa është tamam si Chris në kuptimin që ajo punon jashtëzakonisht shumë – ajo është shumë e përkushtuar ndaj shëndetit dhe fitnesit të saj. Për sa i përket ushqimit, Elsa është spanjolle, kështu që ajo është një përkrahëse e madhe e kuzhinës mesdhetare. Ajo ushqehet me një dietë të ekuilibruar dhe çelësi është gjithmonë përdorimi i vajit të mirë të ullirit, produkteve të freskëta dhe proteinave”, tha Perera.
