Padinë për sulm seksual të paraqitur kundër aktorit Gérard Depardieu është hedhur poshtë nga një gjykatë franceze. Në ankesë, aktorja Hélène Darras pretendoi se Depardieu e kishte sulmuar seksualisht në xhirimet e filmit francez Disco të vitit 2008.
Darras bëri publike pretendimet e saj në dhjetor si pjesë e serisë së lajmeve investigative Complément d’Enquête. Ankesa u hodh poshtë për shkak të statutit të kufizimeve, sipas Variety dhe The Hollyëood Reporter.
Megjithëse nuk përmendi emra, Depardieu foli në lidhje me akuzat për sulm seksual të bëra kundër tij në një letër të hapur në gazetën franceze Le Figaro të botuar në tetor, duke shprehur se ai “asnjëherë, kurrë nuk ka abuzuar me një grua”, sipas Deadline.
“Nuk mund të lejoj më atë që dëgjoj, atë që kam lexuar për veten time për disa muaj. Mendova se nuk më interesonte, por jo. E gjithë kjo më ndikon. Më keq akoma, më shkatërron,” shkroi ai.
Një zëdhënës i Prokurorisë së Parisit i tha Variety se Darras “kishte vendosur të paraqiste një ankesë të veçantë pasi u auditua si dëshmitar gjatë hetimit në vazhdim që rrjedh nga padia e Charlotte Arnould”. Gérard u akuzua për përdhunimin e Arnould në vitin 2018. Avokati i tij tha në atë kohë se aktori “mohonte absolutisht çdo sulm, çdo përdhunim”.
Çështja u mbyll në vitin 2019 për shkak të mungesës së provave. Pasi u rihap në verën e vitit 2020, aktori u akuzua sërish, akuza të cilat ai përsëri e mohoi.
