Edicioni i tretë i ‘Big Brother Vip’ këtë vit vjen me ndryshime të mëdha: I pari ishte ai i prezantimit, që iu besua Ledion Licos dhe jo më Arbana Osmanit. Po kështu, ky edicion do të ketë një numër të madh banorësh, aredimi i shtëpisë është më ndryshe, do të ketë një numër shumë më të madh kamerash në dispozicion, e së fundi, ndryshon dhe regjisori.
Plani i ri i TCH duket ka qenë zëvendësimi jo vetëm i Arbanës, por edhe i partnerit të saj, Eduart Grishaj, i cili ishte regjisori i BBV. Vendin e tij tashmë e ka zënë Ergys Lubonja, i cili ka ndarë detajet e para teknike të spektaklit.
‘Ka shumë të reja teknologjike. Duke filluar nga numri i kamerave që është mbi 100. Stafi teknik dhe drejtori teknik kanë bërë një punë të shkëlqyer në mënyrën sesi do të jetë vendosja e këtyre kamerave. Gjithashtu kemi një sistem të ri ‘intercom’, tha Lubonja.
