Një video e vjetër e ish-regjisorit të spektaklit televiziv “Big Brother Vip Albania”, Eduart Grishaj, eshte rishfaqur në rrjetet sociale, duke ngjallur debate te medha. Video është regjistruar vitin e kaluar në emisionin “Fan Club” .
Por ajo ka rindezur kureshtjen pas komenteve të opinionistit Arbër Hajdari, në edicionin e tretë të “Big Brother VIP Albania”. Eduarti pyetet gjate intervistes ne fjale nëse ishte e vërtetë që Arbri përdor kufje dhe merr instruksione nga regjia gjatë emisionit.
Regjisori e mohoi ekzistencën e kufjeve, por tregoi se Arbri përdor një orë inteligjente nga e cila, sipas tij, regjia i dërgon informata dhe udhëzime. Ky detaj është bërë viral në TikTok dhe X (ish-Twitter), ndërsa përdoruesit e rrjeteve sociale kanë nisur të diskutojnë për ndikimin që ky fakt, mund të ketë në opinionet dhe qëndrimet e Arbrit brenda shtëpisë së “Big Brother VIP”.
