Jennifer Lopez dhe Ben Affleck jane kthyer se fundi ne kryefjalen e mediave roze me martesën e tyre që thuhet se po shkon drejt divorcit. Mes zërave për ndarje, duket se në skenë ka dalë një tjetër personazh i njohur, i cili thuhet se po pret me padurim që JLO të jetë serish beqare.
Drake dhe Lopez u takun për pak muaj në fund të vitit 2016-fillim të 2017-ës dhe duket se kanadezi është gati të provojë sërish fatin me 54-vjeçaren. “Drake nuk do të lidhet me të persa kohe ajo të jetë ende e martuar”, tha një burim për InTouch Weekly. “Ai nuk do ta kalonte kurrë këtë kufi. Por sapo ndarja të bëhet zyrtare me Ben Affleck, ai do të jetë gati dhe do të presë takime romantike Lopez.” “Jennifer ka qenë gjithmonë një nga dashuritë më të mëdha të Drake dhe ai thotë se ajo që ata ndanë gjatë gjithë atyre viteve më parë ishte e pabesueshme… Edhe pse kurrë nuk bëri më shumë atëherë, por të gjithë e dinë se do të kishte dashur të dilte seriozisht me të.”
Drake ka qenë në qendër të vëmendjes për shkak të një konflikti publik me Kendrick Lamar, ndërsa Lopez anuloi turneun e saj veror për shkak të raportimeve për shitje të ulëta të biletave. Koha do të tregojë se sa kohë do të duhet të durojë Drake, pasi nuk ka pasur asnjë njoftim zyrtar lidhur me martesën e Lopez dhe Affleck.
