Beyonce ka bere nje rrefim te rralle e përpara prezantimit të linjës së saj të re të bukurisë, ka folur për betejën e saj me psoriasis. Artistja e “Renaissance” aktualisht eshte duke zgjeruar biznesin dhe po hyn në industrinë e kujdesit të flokëve me koleksionin e saj të ri të produkteve të titulluar ‘Cecred’.
Linja "Cecred’ është frymëzuar nga nëna e saj, Tina Knowles-Lawson, dhe do të ofrojë një sërë artikujsh nga vajrat, shampo, vitamina dhe furça. Dëshira e Beyonce për të kaluar në sektorin e bukurisë, duke i ofruar audiencës së saj të përkushtuar mallra që kombinojnë shkencën e flokëve dhe traditat e vjetra, buron me sa duket nga udhëtimi i saj personal për shëndetin. Në nje bisedë me Essence, kengetarja tregoi se si përvojat e saj e çuan atë në zhvillimin e kompanisë dhe produkteve të saj të mëvonshme.
Së pari, emri ‘Cecred’ bashkon pjesën e fundit të emrit të saj, “Ce”, me fjalën “e shenjtë”. Por më shumë se kaq, Beyonce pranoi se emri i kompanisë kishte të bënte edhe me trajtimet e saj të kaluara të psoriasis. Psoriaza është një sëmundje autoimune që bën që njolla të lëkurës të bëhen “me luspa dhe të përflakur”, sipas një raportimi të Institutit Kombëtar të Artritit dhe Sëmundjeve Muskulo-Skeletore dhe të Lëkurës. Prekjen nga kjo semundje e ka pohuar me pare edhe Kim Kardashian, ku ndau disa pamje të frikshme me ndjekësit, për të treguar se sa vuan nga e gjithe kjo.
