KreuCelebrity

“Jam i mbrojtur nga pisllëqet e botës”: I biri përlot live në studio Grida Dumën

“Jam i mbrojtur nga pisllëqet e botës”: I biri përlot

Grida Duma ka shpalosur një tjetër anë të personazhit të saj teksa ishte e ftuar në programin ‘Sol'. Ish-politikania ndër të tjera foli edhe për marrëdhënien me të birin, të cilin ajo ka vendosur ta mbajë larg vëmendjes mediatike. Tashmë i rritur, djali i Grida Dumës po ndjek studimet e larta jashtë Shqipërisë, dhe ka surprizuar të ëmën në program nëpërmjet një letre të shkruar bukur, ku tregon më shumë për marrëdhënien e tyre.

E di shumë mirë që as unë, as ti nuk jemi njerëz surprizash. Por me ikjen time në universitet dhe rritjen e punëve që ke këto kohë, gjej rastin të të rrëfej disa të vërteta midis nesh që tashmë janë ndjerë, por që thjesht nuk gjetën kohën të thuhen. Nuk e mendoja që diskutimet tona për jetën, ato netë të vona, do të më ndihmonin të njihja botën ashtu si e njoh tani. Nuk e mendoja më parë që vazhdimi i studimeve të mia në këtë vend të huaj do të më ekspozonte ndaj kaq shumë diturive. Nuk pretendoja asnjëherë që instistimet e tua nga më të voglat tek më të mëdhatë dhe të qenit ‘gentleman’, do të ndihmonin të jetoja, dashuroja, në kuptimin e plotë të fjalës. Me të gjitha këto kosto dhe investime për mua jam ndjerë shumë i mbrojtur nga rreziqet dhe pisllëqet e botës së vërtetë. E ndjej veten të fortë dhe me kapacitet për t’ja dalë në çdo kuptim. Tani po njoh realitetin që ke kaluar në fëmijëri dhe ato që ke ndjerë. Nuk të kam njohur duke u rritur, nuk të kam parë as adoleshente, por të njoh tani më mirë se kurrë. Ti je një njeri i madh, i gjerë, i dashur dhe që sakrifikon për ata që i do më shumë se për veten. E ndiej që po bëhem ai burri me një grua të fuqishme nga pas tij. Do të jem me ty dhe do të suportoj gjithmonë.

Bordo
Shtator - No.63

SHKARKO VERSIONIN PDF