Fifi po jeton prej kohësh një lidhje dashurie me Adis Patushin, fryt i së cilës është dhe djali i tyre, Theo Mal. Këngëtarja është mjaft e lumtur nga kjo romancë, e këtë e ka treguar vazhdimisht në pohimet për mediat.
Dhe duket se tashmë, ajo i ka thurur në kokën e saj planet për martesë. Fifi në një intervistë së fundmi ka ndarë planet e saj për dasmën, duke treguar se ndryshe nga mjaft personazhe të tjerë të njohur që preferojnë tani ceremonitë e ngushta private, ajo dëshiron një dasmë tradicionale me shumë të ftuar.
“Avash, avash. Unë dua një dasmë tradicionale, nuk dua të bëj një ceremoni me 50 veta. Unë po u martova do e marrë vesh nga Shkupi në Shkodër themi andej nga ne. Dasma ime do dëgjohet Shkup e Shkodër.
Nuk e kam folur akoma me Adisin sepse nuk kemi qenë në atë fazë që kam dashur për të folur për dasmë. Kemi plane shumë më të bukura përpara, dasma është një gjë qejfi, ne çunin e kemi bërë”-tha ajo.
