Shkencëtarët thonë se duhet të jemi të përgatitur në rast se e ashtëquajtura ‘sëmundja e drerit zombie’ përhapet te njerëzit. Sëmundja vdekjeprurëse - e njohur në mjekësi si sëmundja kronike e dëmtimit - bën që kafshët të dobësohen jashtëzakonisht shumë, t`u thahet praktikisht trupi, ndërsa shikimi u bëhet i përhumbur. Disa ekspertë kanë frikë se sëmundja mund të përhapet te njerëzit në një mënyrë të ngjashme me sëmundjen e lopës së çmendur në vitet 1980. Dr Michael, nga Universiteti i Minesotës, i tha Fortune: “Nuk ka ende prova që te tregojne kalimin tek njerezit, por, po sikur te ndodhe vertet"?
"Ka mjaft shqetësime se mund të ndodhë që ne të përgatitemi."CWD është një sëmundje infektive që prek dreret e renat dhe po bëhet gjithnjë e më e zakonshme. Ajo është zbuluar në 32 shtete të SHBA-së, tre provinca kanadeze, Korenë e Jugut, Finlandë, Norvegji dhe Suedi.
Kembanat e alarmit rane në dhjetor pasi qindra drerë në Parkun Kombëtar amerikan Yellowstone u zbuluan se ishin infektuar me sëmundjen shumë ngjitëse. Autoritetet ne Wyoming analizuan mishin e 6701 drereve në vitin 2022, duke zbuluar sëmundjen në rreth 800 kampione. Ajo duket se vjen nga prionet - një lloj proteine - që shkaktojnë ndryshime në trurin dhe sistemin nervor të kafshëve. Aktualisht nuk ka asnjë trajtim apo vaksinë efektive për sëmundjen.
