Pantallonat capri po rikthehen si një nga tendencat më të forta të modës këtë verë, duke u vlerësuar për kombinimin e tyre të elegancës dhe praktikës. Ato konsiderohen zgjidhja ideale për ditët e nxehta kur xhinset janë të rënda, por pantallonat e shkurtra nuk janë gjithmonë të përshtatshme, sidomos në ambiente pune apo raste më formale.
Ky stil u krijua në fund të viteve 1940 nga dizajnerja gjermane Sonja de Lennart në Mynih. Ajo krijoi një model pantallonash më të shkurtra, deri poshtë gjurit, duke synuar një siluetë më elegante dhe më të përshtatshme për trupin femëror. Më vonë, stili u emërtua “capri” për të evokuar atmosferën e lehtë dhe verore të ishullit italian Capri.
Pantallonat capri u bënë të famshme në Hollywood falë kostumografes Edith Head, e cila i veshi aktoren Audrey Hepburn në filmin klasik Sabrina të 1954, duke i kthyer ato në simbol elegance dhe stili të përjetshëm.
Pas një periudhe të gjatë jashtë vëmendjes, capri-t u rikthyen fuqishëm në vitet 2000 dhe sot po rishfaqen si një zgjedhje moderne për stilin urban dhe veror. Ato kombinohen lehtësisht me bluza të thjeshta, xhaketa të lehta dhe sidomos këpucë minimaliste, duke ruajtur një linjë elegante dhe të pastër.
Në Shqipëri, gjithnjë e më shumë vajza dhe figura publike po i përqafojnë capri-t, duke i kombinuar me bluza të thjeshta, sandale minimaliste apo atlete të lehta, duke sjellë një stil veror të pastër dhe modern. Ne po ju sjellim disa prej tyre:
Kiara Tito
Olta Gixhari
Jori Delli
Viola Spiro
Beniada Nishani
Gabriela Arapi
Keisilda Muca
Nevro Halo
Argjira Spanca
Fjoralba Ponari
Rudina Balaj
Ina Aderi
Ina Pashollari
Rejona Saqellari
Anxhelina Kotorri
Migena Shpendi
Sipas ekspertëve të modës, pantallonat capri janë perfekte për situata të ndryshme të përditshmërisë që nga puna në zyrë deri tek shëtitjet verore sepse ofrojnë komoditet, freski dhe një pamje të kuruar pa shumë përpjekje.
Galeria fotografike
