Këtë të mërkurë në vendin tonë është konfirmuar prania e fruthit. Burime pranë ISHP-së bëjnë me dije se 11 fëmijë janë prekur nga fruthi.
Rastet me fruth ndodhen në Tiranë dhe në Durrës. Të njëjtat burime bëjnë me dije se gjendja shëndetësore e fëmijëve të prekur është e mirë.
Futja e fruthit në vendin tonë vjen pas alarmit të dhënë nga Organizata Botërore e Shëndetësisë se në gjithë Europën po rriten rastet me fruth. OBSH u bën thirrje vendeve që të kryejnë urgjentisht fushata vaksinimi.
Kujtojmë që fruthi është një infeksion viral i sistemit respirator. Fruthi është një nga sëmundjet më ngjitëse në botë. Fruthi përhapet nga kollitja dhe teshtitja, kontakti i afërt ose i drejtpërdrejtë me sekrecionet e hundës ose të fytit, 4 ditë para dhe pas skuqjes. Virusi shkakton temperaturë të lartë, ethe, rrjedhje hundësh, kollë, sy të skuqur dhe të përlotur dhe njolla të vogla të bardha në mukozën që vesh zgavrën e gojës. Skuqje në fytyrë, trup, duar dhe këmbë.
Shenjat që tymi i cigares lë në fytyrën tuaj!
Ushqimet që duhen shmangur kur jeni me grip!
“Më kujto”, një thirrje për dashurinë e harruar!
Çfarë duhet të bëni në një ditë me shi?
Si të mbrohemi nga virusi i gripit sezonal?
Treguesit paralajmërues të një ataku në zemër!
