Një moment i papritur dhe mjaft argëtues ka ndodhur në prapaskenën e emisionit “Kampionët e Botës” në Tv Klan, duke u kthyer shpejt në një nga situatat më të komentuara të mbrëmjes.
E ftuar në studio, Alba Pollozhani ka treguar hapur se është e gatshme për një lidhje të re, duke mos ngurruar të bëjë edhe një kërkesë me humor gjatë transmetimit. Me batutë, ajo iu drejtua moderatores Marina Vjollca duke thënë se në emision mungonte një futbollist beqar, gjë që shkaktoi të qeshura në studio.
Reagimet në studio nuk vonuan. Alban Xhihani u përgjigj me humor duke theksuar se nuk është as beqar dhe as futbollist, por vetëm komentues sportiv, duke e kthyer situatën në një shkëmbim batutash.
Ndërkohë, Kastriot Çaushi u shpreh i befasuar nga afrimiteti i situatës, duke e kaluar me humor si një moment që e kishte vënë pak në siklet. Marina Vjollca ndërhyri duke kujtuar se ideja e përforcimeve në lojë ishte diskutuar më herët, duke mbajtur atmosferën e lehtë në studio.
“Po si nuk na sollët një futbollist beqar këtu?!” Kjo ka qenë kërkesa e beftë dhe publike e Albës drejtuar moderatores Marina Vjollca.
Marina Vjollca: Ne rikthehemi, jemi live në Tv Klan dhe Alba ka një kritikë për mua. Çfarë kërkese ke Alba?
Alba Pollozhani: Unë e thashë kështu si në prapaskenë, por sido qoftë unë jam e drejtpërdrejtë… Po si nuk na sollët një futbollist beqar këtu.
Marina Vjollca: Hë more Xhihan?
Alban Xhihani: Mos shiko nga unë, e para nuk jam beqar dhe e dyta nuk jam futbollist. Unë komentoj futbollistët.
Marina Vjollca: Kaçi çfarë përgjigje ke ti?
Kastriot Çaushi: U llahtarisa kur më erdhi afër, u tremba.
Marina Vjollca: Pse?! Po ju të dy ishit, që thatë duam përforcime për quiz-in.
Kastriot Çaushi: Më shpëtoi Xhihani që tha e mbaj unë, kështu që kthehu andej edhe…
Alba Pollozhani: Kam shumë respekt për ty.
Kastriot Çaushi: Nuk është punë respekti, është punë frike.
Alba Pollozhani: Njerëz jemi të gjithë
Nga ana e saj, Alba Pollozhani e mbylli situatën me tone miqësore, duke theksuar respektin për të gjithë të pranishmit dhe duke e trajtuar gjithçka si një moment thjesht argëtues mes miqsh në studio.
