Katedralja Notre Dame në Paris u shkatërrua nga zjarri masiv i 15 prillit por shumë shpejt sipas presidentit francez Emmanuel Macron do të nisë rindërtimin.
“Do ta rindërtojmë Notre Dame edhe më të bukur” ishte premtimi i Macron për Katedralen gotike duke u zotuar se kjo do të ndodhë brenda 5 vitesh. Vëmendja që Macron ka hedhur drejt projektit më të rëndësishëm sot mbarëkombëtar u shndërrua në një thirrje uniteti në Francën e fragmentuar. “Le të fokusohemi këtu dhe të harrojmë politikën”, ishte komenti i tij.
“Po, ne mund t’ia dalim. Ne mund ta rindërtojmë Katedralen Notre Dame më të bukur se kurrë dhe dua që kjo të përfundojë brenda 5 vitesh. Do të mobilizohemi maksimalisht që të arrijmë një gjë të tillë”, tha Macron.
Por sipas ekspertëve, “Notre Dame” e kanë ndarë vetëm pak minuta nga shkatërrimi i saj total dhe dëmet janë shumë të mëdha e ndaj rindërtimi i saj në fakt mund të kërkojë dekada të tëra sepse sipas tyre në fillim duhet siguruar qëndrueshmëria e strukturës përpara se të nisë restaurimi.
Ndërkaq menjëherë pas katrastrofës ka nisur puna për mbledhjen e fondeve dhe një numër shumë i madh manjatësh e kompanish të njohur kanë dhuruar miliona euro për rindërtimin e Katedrales 850 vjeçare.
Katedralja Notre Dame, foto para dhe pas zjarrit
Parashikimi i horoskopit, datë 17 prill 2019
Parashikimi i horoskopit, datë 16 prill 2019
5 mënyra si të kombinoni lulet në veshje
Parashikimi i horoskopit, datë 15 prill 2019
