Në datë 8 maj, u organizua edicioni i pestë i maratonës Botërore “Wings for Life World Run” edhe në Shqipëri.
“Wings for Life World Run”, maratona globale ku të gjithë mund të vendosin qëllimet e tyre.
Pjesëmarrësit morën pjesë për të mbështetur këtë kauzë në Parkun e Liqenit Artificial duke bërë donacionet e tyre për ata që nuk munden dhe duke vrapuar në të njëjtën orë por në shtete të ndryshme me të gjithë pjesëmarrësit e “Wings for life World Run”. Sikuse çdo vit në bashkëpunim me Agjensinë e Parqeve dhe Rekreacionit dhe Bashkinë Tiranë, eventi startoi në orën 13:00 duke përshkruar trajektoren e Parkut të Liqenit Artifical Tiranë rreth 5KM, 10 KM apo më shumë me një kohëzgjatje prej 3 orësh.
Altin Vospri kryesoi me 35.52 KM, pra i cili ishin edhe fituesit kryesor i “Wings for Life World Run” në Shqipëri.
Wings for Life është një Fondacion Ndërkombëtar jofitimprurës me vetëm një mision – për të ndihmuar shkencëtarët të gjejnë një kurë për dëmtimet e palcës kurrizore. Wings for Life World Run, është eventi nëpërmjet të cilit mblidhen donacione për të ndihmuar në përmbushjen e misionit.
100% e tarifës dhe donacioneve të kryera shkojnë drejtpërdrejt në projekte kërkimore në mbarë botën. Motoja e eventit “Wings for Life World Run” është VRAPO, PËR ATA QË NUK MUNDEN!
