Rinisja e palestrës gjithmonë na shoqëron me një lloj dembelizimi të pashpjegueshëm. Çdo të hënë themi: do ta nis palestrën javës tjetër. Pavarësisht kësaj gjendje dembelizmi, të gjithë kemi një pyetje optimiste: Nga duhet t’ia fillojmë?!
Fillimi i një sezoni të ri shoqërohet me vendosjen e objektivave të reja për faktin se duhet të jemi të motivuar për të vijuar sistematikisht stërvitjen. Duke u bazuar në eksperincën e krijuar, mënyra më e mirë është të fillohet me ushtrime të vjetra (njohura), pasi muskujt e kanë të thjeshtë përshtatjen me stimulin e tyre dhe nuk humbisni kohë në mësimin e ekzekutimit të ushtrimit. Metoda të cilën do të përdorni duhet të jetë e njëjtë ose e përafërt me atë para se të fillonit pushimet. Peshat duhet të jenë relativisht të lehta (50% – 70% maksimumi) në mënyrë që ngarkesa të jetë optimale dhe organizmi nuk s’forcohet. Kjo periudhë duhet të zgjatë nga 2 deri 4 javë, në varësi të personit. Ata që janë sistematikë e kanë më të shkurtër kohën e përshtatjes se ata që nuk janë.
Në këtë fazë fillon aplikimi i ndryshimit të rutinës. Këtu mund të ndryshoni si llojet e ushtrimeve edhe metoden e deritanishme. Në varësi të objektivave që keni vendosur ndërtoni programin që do ndiqni. Si do ta aplikoni, shtrirja, etapat, feedback,etj. Është e rëndësishme që të jeni të duruar dhe të mos nguteni për të ndryshuar vazhdimisht ushtrimet dhe metodën e punës. Jepini kohë trupit të përshtatet me ndryshimin e rutinës dhe në fund bëni analizën nëse ishte ‘ok’ apo jo. Në këtë mënyrë keni mundësi të bëni dhe ndryshimet përkatësë në kohën dhe mënyrën e duhur. Kjo është fazë shumë e rëndësishme pasi fillon implementimi i programit të ri dhe duhet të jeni gati fizikisht dhe psikologjikisht në mënyrë që rutina e re të jetë efikase dhe argëtuese në të njëjtën kohë. Në këtë fazë numri i përsëritjeve është më i vogël (10 – 8) dhe peshat arijnë nga (65% – 85% maksimumi). Numri i përsëritjeve lidhet me përqindjen e peshës, pra nuk keni nevojë të kryeni teste të veçanta për të kuptuar se kush është pesha juaj maksimale dhe sa duhet të jetë 60% apo 80%. Ruani të njëjtin program për 8 – 10 javë dhe pas kësaj kohe mund të ndryshoni llojet e ushtrimeve dhe metodën. Nëse e zbatoni me rigorozitet programin çdo javë do të keni mundësi të rrisni peshat në çdo ushtrim me 5% – 8% dhe do arrini të merrni pritshmëritë që keni nga programi.
Pjesë e rëndësishme për të qenë të shëndetshëm dhe të tonifikuar është impakti i ushqimit dhe gjumi. Në varësi të performancës së trupit dhe pritshmërive, secili bën një analizë dhe mund të gjejë se faji i kujt është për problemet e veta: Stërvitja, Ushqimi, Gjumi. Nisur nga kjo, sapo kthehen nga pushimet përpiqen të jenë ekstremë përsa i përket ushqimit apo gjumit, duke krijuar një keqbalancim në raport me çfarë ka pasur më parë.
Kjo është diçka që duhet ta evitoni. Organizmi juaj është mësuar me mënyrën tuaj të jetesës për një kohë të gjatë dhe çdo ndryshim i bërë krijon gjendje të keqe humori dhe shton stresin. Ndryshimet që dëshironi të bëni në raport me ushqimin e gjumin duhet të jënë të kujdesshme e të shtrira në kohë. Ato duhet të jenë sa më afër rutinës ditore. Gjatë ditës në mënyrën e të ushqyerit keni të përfshirë të mirat dhe të këqijat, thjesht duhet të kuptoni kush janë ato, që në mënyrë graduale të rregulloni regjimin duke shtuar elementët pozitivë. Rregullimi gradualisht i vakteve, orëve të gjumit dhe kur flejmë do ta bëjë çdo gjë më të lehtë.
Pavarësisht optimizmit, jini realist: vendosni objektiva të qartë e të arritshëm. Qëndroni afër rutinës të përditshme dhe bëjini ndryshimet në mënyrë graduale. Mos hezitoni kurrë të komunikoni dhe konsultoheni me profesionistët e fushës: Trajner/Instruktor, Nutricionist, Dietolog.
KINETIC FITNESS – POWERED BY KLODIANA SHALA
Botuar ne Revista BORDO!
Fëmijët me dado, çfarë rekomandojnë psikologët!
Receta me perla të kuqe!
FOTO/ Arjola Demiri: Burri i ëndrrave të mia!
Horoskopi ditor, e diel 7 gusht 2022
Një udhëtim në Lago di Braies
Rolex, miti dhe ikona e orave të dorës!
