Kjo është dëshmia e fundit që sendet e rralla luksoze shihen gjithnjë e më shumë si investime me vlerë nga investitorët dhe blerësit e pasur. Çanta Himalaya Retourne Kelly 25 u shit për 352,800 euro ($538,755) në një ankand në Paris që përfundoi të enjten, thotë Telegrafi. Çanta e dorës me lëkurë krokodili në të bardhën e perlës, që të kujton një peizazh malor me dëborë, u shit pothuajse tre herë më shumë sesa vlerësimi që i kishte bërë paraprakisht shtëpia e njohur e ankandeve.
“Ky model shihet si një investim i vërtetë për një afat të gjatë”, tha Morgane Halimi, drejtuese globale e çantave dhe aksesorëve në Sotheby’s. “Është gjithashtu një nga çantat më të vështira për t’u marrë në një butik Hermes, cka ndihmon në shpjegimin e çmimit të rishitjes.”
Kelly filloi si “sac a depeches” e Hermes në vitet 1930, por mori pseudonimin (dhe, më vonë, emërtimin zyrtar) pasi Princesha Grace Kelly u fotografua duke mbajtur një çantë të tillë në 1956-ën.
Çmimi rekord për një çantë luksoze në ankand mbahet ende nga Christie’s, shtëpia e ankandeve në pronësi të Francois Pinault, e cila shiti një çantë Himalaya Retourne Kelly për 793,668 dollarë nëntorin e kaluar. Ajo cantë kishte pjesë diamanti dhe ishte pak më e madhe. “Hermes International” po përpiqet të rrisë kapacitetin e saj të prodhimit për produkte lëkure, sepse kërkesa e tejkalon ofertën.
